Mohamed Salah gjatë përfaqësimit të Kombëtares së Egjiptit në ndeshjen ndaj Ganës në Kupën e Kombeve të Afrikës, ka pësuar një lëndim tejet të rëndë.

Agjenti i “Faraonit” ka dhëne detaje për lëndimin e tij, ndërsa ka bërë të ditur se ai do të mungojë në dy ndeshjet e ardhshme të Egjiptit, shkruan Arbresh.info.

Sulmuesi egjiptian, do të mungojë pritet të mungojë 21 deri në 28 ditë dhe kjo shihet të jetë një mangësi e madhe për Kombëtaren e Egjiptit, por njëkohësisht edhe për skuadrën e Liverpoolit.

“Lëndimi i Mohamed është më serioz se sa është menduar fillimisht dhe ai do të jetë jashtë fushave për 21-28 ditë, dhe jo për 2 ndeshje. Mundësia e tij më e mirë për të luajtur përsëri në Kupën e Kombeve të Afrikës, është që t’i nënshtrohet një trajtimi intensiv në Angli dhe t’i ribashkohet ekipi sapo të jetë i gatshëm”, ka shkruar Abbas në platformën “X”.

Kjo do të thotë se Salah do të mungojë në katër ndeshje në Ligën Premier, duke përfshirë ndeshjen ndaj Chelseat në “Anfield” dhe atë në udhëtim ndaj Arsenalit në “Emirates”.

Mohammed’s injury is more serious than first thought and he will be out for 21-28 days, and not 2 games.
His best chance at participating in the current AFCON is by undergoing intensive rehabilitation in the uk and rejoining the team as soon as he is fit.

— Ramy Abbas Issa (@RamyCol) January 22, 2024

31-vjeçari mund të jetë i gatshëm për finalen e Carabao Cup, që do të zhvillohet më 25 shkurt, në rast se Liverpooli arrin kalimin tutje./ Arbresh.info/